Milem be suh tih thupek, Dan sawma a pahnihna awmzia diktak hi kan ngaihtuah
ngai em aw? A awmzia diktak chu he khawvel khawih theih leh hmuh theih thilte
hi vei berah emaw, kan nuna lalberah emaw kan dah tur a ni lo tihna a ni.
Mihringte hi Pathian be tura duan kan nih avangin Pathian kan be tak tak lo
anih pawhin thil dang engemaw tak kan be tho thin. Thenkhat chuan pawisa
te, hmelthatna te, kohhran te, sports te, mipat hmeichhiatna te kan nun thunun
tuah kan hmang thin. Hmanlai mite chuan Pathian thilisam ropui an tih: ni
te, arsi te, thla te an bia a. Tunlai a mite pawhin kan ngaih ropui zawng
neitu hmeltha leh piannalh: film star te, model te, football khel thiamte leh
zai thiamte kan bia a. Krista ni lovin heng kan pathian lemte hi kan
rilru leh thinlung luahtute an ni a. Anmahni an kan chak a, hmuh kan duh
a, kan vei a, kan hriat loh laiin pathianah kan lo be reng thin.
/
Hmelthat duhna te, sports ngainatna te, piannalh duhna ringawt hi sual a ni lo. Mahse kan thinlung leh rilru luahtu bera kan hman hian sual a lo ni thin a ni. Pathian chuan Amah chauh chibai buk a, thinlung zawng zawng, rilru zawng zawng, chakna zawng zawng, thlarau zawng zawng atana pe tura min duh avangin kan rilru leh thinlung lalrama roreltu atana Amah ni lo, thildang hman hi a phal lo mai zawk a ni. Hmangaihtu Pathian, a nunna zawng zawng leihbua vek khawpa min hmangaihtu Pathian a nih avangin, kan hlim te, kan hrisel te, kan hmelthat te chu keini’n kan duh ai mahin min duhpui zawk, mahse hmangaihtu Pathian, hmangaihna avanga min Siamtu anih miau avangin Amah aia hmangaih dang kan neih hi a phal lo a ni. Hlimna te, piannalhna te, lungawina te neitu Pathian a ni a. A neitu tel lova hengte hi neih kan tum hi thil dik a ni thei lo hrim hrim bawk a ni.
Psychologist lar tak Sigmeund Freud-a chuan mihring thiltih zawng zawng hian chhan pahnih chiah a nei niin a ngai: mi ngaiha ropui duhna leh mipat hmeichhiatna te an ni. Ngun taka ngaihtuah chuan Pathian miin a thinlung lalbera a dah loh chuan ropui duhna leh mipat hmeichhiatna te hi a nun thununtu a ni tih a hriat mai theih. Hmel that kan chak chhante, hausak kan chak chhan te, intihsiakna leh inexam naa nih san kan chak chhan te leh kohhran leh khawtlanga chanvo chan kan chak chhan te hi mi ngaiha ropui duh vang a nih hmel tlangpui. Chutiang bawkin incheina thawnhnaw leh tle reuh heti zozaia kan insenna te hi mi mit lak duh vang, lar duh vang leh mipat hmeichhiatna kawnga midangte hip duh vang lek ani thei bawk.
Ringtua inchhal nun laimua Pathian nei lo chu ring lo mi nen an danglam chuang lo, chhungrila an biak chu Pathian ni lovin anmahni zawk a ni thin. Kohhran hote hian vawi tamtak chu Pathian aiin khawvel mite ngaiha ropuina, Pathian hmuha thianghlimna ai chuan mite hmuha intih thianghlim tumna, Thlarau lam malsawmna ni lovin khawvel lam malsawmna te hi kan zawng fo thin. Milem be suh tih thupek hi enganga ringtu tha inchhal pawh ni se rinna tak taka Pathian zawmtu lo chuan a bawhchhe reng thin tho a ni.
Mi tamtak chuan kohhrana theih tawpa an inhman hian Pathian bia emaw an inti fo thin. Mahse kohhrana theih patawpa inhmang Pathian nena inzawmna tak tak nei si lote chuan Pathian be lovin kohhran tho kha a bia a ni. Isua hun laia Juda te chuan Pathian be lovin an sakhuana an bia a. Jeremia hunlaia Judate pawhin Jeremia’n Jerusalem chu Babulon kuta a tlu dawn a, chuvang chuan inpe (surrender) tura a ngen pawhin Pathian hnamthlan an nihna chhuangin an tlawm theih an inring ngai lo. Inrin a hnekin an tempul-te chu inthlamuan nana hmangin, “Hei hi LALPA in, LALPA in, LALPA in a nih hi” (Jeremia 7:4) tia tang zawlnei Jeremia thusawi pawh an pawisa duh lo. Heng Isua hunlai leh Jeremia hunlaia sakhaw hruaitute hian thih pawh huamin an hnam leh sakhuana hum him an tum a. Mahse Pathian nena inzawmna tak tak an neih loh avangin milem betu tho an ni.
Hetiang tho hian tunlaiah pawh kohhrana (eng kohhran pawh tiamin) thahnemngai leh inpe tak tak ni lang, inhnial nikhua phei chuan insual pawh ngam hial thinte hi Rinna nena Pathian nena inzawmna tak tak neitu an nih chuan si loh chuan an dang chuang lo, Pathian ni lova kohhran an rinchhan avangin milem betu tho an ni.
/
Hmelthat duhna te, sports ngainatna te, piannalh duhna ringawt hi sual a ni lo. Mahse kan thinlung leh rilru luahtu bera kan hman hian sual a lo ni thin a ni. Pathian chuan Amah chauh chibai buk a, thinlung zawng zawng, rilru zawng zawng, chakna zawng zawng, thlarau zawng zawng atana pe tura min duh avangin kan rilru leh thinlung lalrama roreltu atana Amah ni lo, thildang hman hi a phal lo mai zawk a ni. Hmangaihtu Pathian, a nunna zawng zawng leihbua vek khawpa min hmangaihtu Pathian a nih avangin, kan hlim te, kan hrisel te, kan hmelthat te chu keini’n kan duh ai mahin min duhpui zawk, mahse hmangaihtu Pathian, hmangaihna avanga min Siamtu anih miau avangin Amah aia hmangaih dang kan neih hi a phal lo a ni. Hlimna te, piannalhna te, lungawina te neitu Pathian a ni a. A neitu tel lova hengte hi neih kan tum hi thil dik a ni thei lo hrim hrim bawk a ni.
Psychologist lar tak Sigmeund Freud-a chuan mihring thiltih zawng zawng hian chhan pahnih chiah a nei niin a ngai: mi ngaiha ropui duhna leh mipat hmeichhiatna te an ni. Ngun taka ngaihtuah chuan Pathian miin a thinlung lalbera a dah loh chuan ropui duhna leh mipat hmeichhiatna te hi a nun thununtu a ni tih a hriat mai theih. Hmel that kan chak chhante, hausak kan chak chhan te, intihsiakna leh inexam naa nih san kan chak chhan te leh kohhran leh khawtlanga chanvo chan kan chak chhan te hi mi ngaiha ropui duh vang a nih hmel tlangpui. Chutiang bawkin incheina thawnhnaw leh tle reuh heti zozaia kan insenna te hi mi mit lak duh vang, lar duh vang leh mipat hmeichhiatna kawnga midangte hip duh vang lek ani thei bawk.
Ringtua inchhal nun laimua Pathian nei lo chu ring lo mi nen an danglam chuang lo, chhungrila an biak chu Pathian ni lovin anmahni zawk a ni thin. Kohhran hote hian vawi tamtak chu Pathian aiin khawvel mite ngaiha ropuina, Pathian hmuha thianghlimna ai chuan mite hmuha intih thianghlim tumna, Thlarau lam malsawmna ni lovin khawvel lam malsawmna te hi kan zawng fo thin. Milem be suh tih thupek hi enganga ringtu tha inchhal pawh ni se rinna tak taka Pathian zawmtu lo chuan a bawhchhe reng thin tho a ni.
Mi tamtak chuan kohhrana theih tawpa an inhman hian Pathian bia emaw an inti fo thin. Mahse kohhrana theih patawpa inhmang Pathian nena inzawmna tak tak nei si lote chuan Pathian be lovin kohhran tho kha a bia a ni. Isua hun laia Juda te chuan Pathian be lovin an sakhuana an bia a. Jeremia hunlaia Judate pawhin Jeremia’n Jerusalem chu Babulon kuta a tlu dawn a, chuvang chuan inpe (surrender) tura a ngen pawhin Pathian hnamthlan an nihna chhuangin an tlawm theih an inring ngai lo. Inrin a hnekin an tempul-te chu inthlamuan nana hmangin, “Hei hi LALPA in, LALPA in, LALPA in a nih hi” (Jeremia 7:4) tia tang zawlnei Jeremia thusawi pawh an pawisa duh lo. Heng Isua hunlai leh Jeremia hunlaia sakhaw hruaitute hian thih pawh huamin an hnam leh sakhuana hum him an tum a. Mahse Pathian nena inzawmna tak tak an neih loh avangin milem betu tho an ni.
Hetiang tho hian tunlaiah pawh kohhrana (eng kohhran pawh tiamin) thahnemngai leh inpe tak tak ni lang, inhnial nikhua phei chuan insual pawh ngam hial thinte hi Rinna nena Pathian nena inzawmna tak tak neitu an nih chuan si loh chuan an dang chuang lo, Pathian ni lova kohhran an rinchhan avangin milem betu tho an ni.
No comments:
Post a Comment